Nəzərinizə çatdırmaq istərdik ki, qarşıdan gələn VII Bakı Beynəlxalq Tibbi Treninq Günləri tədbirimiz çərçivəsində iştirakçılar üçün cərrahiyyədə lazer texnologiyaları tədbiri keçiriləcək və xüsusi panel təşkil olunacaq. Panel çərçivəsində Türkiyədən gələn 3 professorla birlikdə azərbaycanlı mütəxəssislər də lazer proktologiyada lazer texnologiyaları, lazer flebologiyada lazer texnologiyaları barədə məruzələr oxuyacaqlar. İştirakçılar üçün hazırlanmış xüsusi heyvan modelləri üzərində treyninqlər təşkil olunacaq. Eləcə də Prof. İlker Sücüllü, Doc. Cihad Tatar və Prof. Qurbanxan Müslümov tərəfindən lazer hemoroidoplastika əməliyyatı, anal fistulaların lazer ablasiyası əməliyyatları və həmçinin pilonedal sinus zamanı sinusun lazer tətbiqi ilə ləğvi əməliyyatları icra ediləcək. Əməliyyatların gedişi canlı olaraq zala ötürüləcək və iştirakçıların əməliyyatlarda birbaşa iştirak etmə şansı olacaqdır.
